Bigg Boss வீட்டில் மேரி கோம்: அவரின் `knockout' குணம் குறித்து பகிர்ந்த பிரியங்கா சோப்ரா

இந்தியாவின் புகழ்பெற்ற குத்துச்சண்டை வீராங்கனையான மேரி கோம், சல்மான் கான் தொகுத்து வழங்கும் Bigg Boss 20 நிகழ்ச்சியில் போட்டியாளராக பங்கேற்றுள்ளார். செப்டம்பர் 6, 2026 அன்று நடைபெற்ற நிகழ்ச்சியில் மேரி கோம் அறிமுகமானார்.

மேரி கோமின் வருகை இந்தி Bigg Boss நிகழ்ச்சியில் புதிய எதிர்பார்ப்பை ஏற்படுத்தியுள்ளது. ஒலிம்பிக் பதக்கம் வென்றவரும், பலமுறை உலக சாம்பியனுமான மேரி கோம், குத்துச்சண்டைப் போட்டிகளில் காட்டிய ஒழுக்கம், தன்னம்பிக்கை மற்றும் விடாமுயற்சியை Bigg Boss வீட்டிலும் கடைப்பிடிக்கப் போவதாக தெரிவித்துள்ளார்.

மேலும், மேரி கோம் குறித்து பிரியங்கா சோப்ரா சிறப்பு வீடியோ செய்தி ஒன்றை அனுப்பியுள்ளார். அதில், மேரி கோமின் குத்துச்சண்டை திறமை மட்டுமின்றி, அவரது தனித்துவமான குணநலன்களையும் குறிப்பிட்டு, மற்ற போட்டியாளர்களுக்கு எச்சரிக்கை விடுத்துள்ளார். குறிப்பாக, மேரி கோமின் “knockout” குணம் குறித்து போட்டியாளர்களிடம் பிரியங்கா சோப்ரா விளையாட்டாக கூறியுள்ளார்.

பிக் பாஸ் வீட்டில் தனது திரைப்பட அனுபவத்தை நினைவுகூர்ந்த பிரியங்கா சோப்ரா, மேரி கோமின் பயணத்தை ஆவலுடன் எதிர்பார்ப்பதாகவும், அவருக்கு அன்பு நிறைந்த வாழ்த்துகளைத் தெரிவித்து கொள்வதாகவும் கூறியுள்ளார்.

‘Mary Kom’ திரைப்படம் 2014ஆம் ஆண்டு வெளியானது. ஓமங் குமார் இயக்கிய இந்தப் படத்தை சஞ்சய் லீலா பன்சாலி தயாரித்தார். மேரி கோமின் வாழ்க்கை மற்றும் குத்துச்சண்டைப் பயணத்தை மையமாகக் கொண்டு இப்படம் உருவாக்கப்பட்டது. இப்படம் 62வது தேசிய திரைப்பட விருதுகளில் ‘Best Popular Film Providing Wholesome Entertainment’ விருதையும் பெற்றது.

மேரி கோம் போன்ற சர்வதேச அளவில் புகழ்பெற்ற விளையாட்டு வீராங்கனை Bigg Boss 20 போன்ற பிரபலமான reality show-வில் பங்கேற்பது, நிகழ்ச்சியின் மீதான ரசிகர்களின் கவனத்தை மேலும் அதிகரித்துள்ளது.!