IND vs WI: “வெஸ்ட் இண்டீஸை சாதாரணமா நினைக்கக் கூடாது, ஏன்னா.!” – ஸ்ரேயாஸ் ஐயர் கூறியதென்ன?

“வெஸ்ட் இண்டீஸ் அணியைச் சாதாரணமாக எடுத்துக்கொள்ள முடியாது. அந்த அணியில் ஆட்டத்தின் போக்கையே மாற்றக்கூடிய வீரர்கள் இருக்கிறார்கள்!” – வெஸ்ட் இண்டீஸுக்கு எதிரான மூன்றாவது டி20 போட்டியில் இந்தியா வெற்றி பெற்ற பிறகு ஸ்ரேயாஸ் ஐயர் சொன்ன இந்த வார்த்தைகள் கவனம் பெற்று இருக்கின்றன.

இந்தப் போட்டியில் முதலில் பேட்டிங் செய்த இந்திய அணி 20 ஓவர்களில் 223 ரன்கள் எடுத்தது. தொடர்ந்து விளையாடிய வெஸ்ட் இண்டீஸ் அணி 20 ஓவர்களில் 7 விக்கெட்டுகளை இழந்து 209 ரன்கள் எடுத்தது.

இதனால் இந்திய அணி 14 ரன்கள் வித்தியாசத்தில் வெற்றி பெற்றது. இதன் மூலம் ஐந்து போட்டிகள் கொண்ட தொடரில் இந்தியா 2–1 என முன்னிலை பெற்றது.

போட்டிக்குப் பிறகு இந்திய அணியின் பேட்டிங் தொடக்கம் குறித்துப் பேசிய ஸ்ரேயாஸ், பவர்பிளேயில் அபிஷேக் சர்மா எடுத்த முக்கியமான ரன்களைப் பாராட்டினார்.

தொடர்ந்து களமிறங்கிய இஷான் கிஷன், பந்துவீச்சாளர்களை எதிர்கொண்டு அதிரடியாக விளையாடியதையும் குறிப்பிட்டார். கடந்த சில மாதங்களாக இஷான் சிறப்பாக விளையாடி வருவதாகவும் கூறினார்.

தொடர்ந்து விக்கெட்டுகள் விழுந்தபோதும், வெஸ்ட் இண்டீஸ் அணி ஆட்டத்தின் கட்டுப்பாட்டைக் கைப்பற்றிவிடவில்லை என்றார். மிடில் ஆர்டரில் இந்திய அணி ஆட்டத்தைச் சீராக்கியதுடன், கடைசி நேரத்தில் பிரின்ஸ் யாதவ் எடுத்த ரன்களும் 223 ரன்கள் என்ற மொத்த ஸ்கோரை எட்ட உதவியதாகத் தெரிவித்தார்.

மேலும் ஹைதராபாத், பெங்களூரு போன்ற மைதானங்களிலும் அதிக ரன்கள் குவிக்கப்படலாம் என்பதை ஒப்புக்கொண்ட ஸ்ரேயாஸ், தங்களுடைய வழக்கமான திட்டங்களையும் செயல்முறைகளையும் பின்பற்ற வேண்டும் என்றார்.

அதேநேரத்தில், தாக்குதல் அணுகுமுறையும் மனநிலையும் சிறப்பாக இருக்க வேண்டும் என்றும் குறிப்பிட்டார்.

மேலும்,வெஸ்ட் இண்டீஸ் அணியில் ஆட்டத்தின் போக்கையே மாற்றக்கூடிய வீரர்கள் இருப்பதால், அந்த அணியைச் சாதாரணமாக எடுத்துக்கொள்ளக் கூடாது.

போட்டி முழுவதும் நேர்மறையான மனநிலையுடன் விளையாடுவதுடன், எந்தக் கட்டத்திலும் அலட்சியமாக இருக்கக் கூடாது என்றும் ஸ்ரேயாஸ் ஐயர் வலியுறுத்தினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://tinyurl.com/2b963ppb