TN Budget 2026: 'பள்ளிக்கல்வித்துறைக்கு நிதி குறைவு?' - தவெக பட்ஜெட்டைச் சாடும் அன்பில் மகேஸ்

இன்று தங்களுடைய முதல் பட்ஜெட்டைத் தாக்கல் செய்துள்ளது தவெக அரசு.

பட்ஜெட் தாக்கலில் பள்ளிக்கல்வித் துறைக்கான நிதி குறித்துதான் முதலில் பட்ஜெட் வாசித்தார் தமிழ்நாடு நிதியமைச்சர் மரிய வில்சன்.

இந்தப் பட்ஜெட்டில் தமிழ்நாடு பள்ளிக் கல்வித்துறைக்கு தவெக அரசு ஒதுக்கி உள்ள நிதி ரூ.44,527 கோடி. இது திமுகவின் இடைக்கால பட்ஜெட்டை விடக் குறைவு என தனது எக்ஸ் பக்கத்தில் சாடியுள்ளார் பள்ளிக் கல்வித்துறை முன்னாள் அமைச்சர் அன்பில் மகேஸ்.

“கல்வி மட்டுமே யாராலும் பறிக்க முடியாத சொத்து என உரக்கச் சொல்லும் நம்முடைய கழகத் தலைவர் ஸ்டாலின் அவர்களின் தலைமையிலான திராவிட மாடல் ஆட்சியில் பள்ளிக்கல்வித்துறைக்கான நிதி ஒதுக்கீடு ஏறுமுகத்திலேயே இருந்தது.

ஆனால் கடந்த பிப்ரவரி மாதம் வெளியிடப்பட்ட இடைக்கால நிதிநிலை அறிக்கையில் அறிவிக்கப்பட்டதைக் காட்டிலும், குறைவான நிதியே தற்போதைய அரசால் ஒதுக்கப்படுவது இன்று வெளியான நிதிநிலை அறிக்கை மூலம் தெரியவருகிறது.

“கல்வியில் சிறந்த தமிழ்நாடு” என்றென்றும் தொடர்வதை உறுதிசெய்ய வேண்டியது அரசின் கடமை என்பதை மறந்துவிட வேண்டாம்"