Scene: "அந்த இரண்டு போலீஸ் படங்களோடு இதை ஒப்பிட வேண்டாம்" - துபாயில் சூர்யா

சூர்யாவின் 'சீன்' திரைப்படம் தீபாவளி வெளியீடாக திரைக்கு வருகிறது.

மலையாள சினிமா இயக்குநர் ஜீத்து மாதவன் இயக்கத்தில் உருவாகியிருக்கும் இப்படத்தில் நஸ்ரியா, நஸ்லென் ஆகியோர் முக்கியக் கதாபாத்திரங்களில் நடித்திருக்கிறார்கள்.

'பேரழகன்' படத்திற்குப் பிறகு மலையாள சினிமா இயக்குநருடன் இப்படத்தில் இணைந்திருக்கிறார் சூர்யா. இந்தப் படத்திற்கு சுஷின் ஷ்யாம் இசையமைக்கிறார். நேற்றைய தினம் இப்படத்தின் ப்ரோமோஷன் நிகழ்வு துபாயில் நடைபெற்றது.

இந்த நிகழ்வில் பேசிய சூர்யா, "ஒரு யதார்த்தமான போலீஸ் அதிகாரியின் வாழ்க்கையைக் காட்டிய படம் 'காக்க காக்க'. அதேநேரத்தில், 'சிங்கம்' திரைப்படம் முழுக்க முழுக்க மாஸ் மற்றும் லார்ஜர்-தேன்-லைஃப் ஆக்‌ஷன் ஸ்டைலில் அமைந்தது. ஆனால், என்னுடைய இந்த 'சீன்' படத்தை அந்த இரண்டு படங்களோடும் தயவுசெய்து நேரடியாக ஒப்பிட வேண்டாம்.

இதில் நான் நடித்திருக்கும் இன்பராஜ் கதாபாத்திரம் அந்தப் படங்களிலிருந்து முற்றிலும் மாறுபட்டது. இந்தப் படங்களை ஒன்றுக்கொன்று ஒப்பிடவே முடியாது. 'சீன்' திரைப்படம் குடும்பத்தோடு பார்த்து மகிழக்கூடிய ஒரு பக்கா ஃபேமிலி எண்டர்டெய்னர்!" எனப் பேசியிருக்கிறார்.