தவெக: இறுதியாகும் அமைச்சரவை  பட்டியல்... கூட்டணிக்கு வந்தவர்களுக்கும் ஜாக்பாட்!

தமிழக சட்டமன்ற தேர்தல் முடிவில் த.வெ.க தனிப்பெரும் கட்சியாக விஸ்வரூபம் எடுத்துள்ளது. அந்த கட்சிக்கு பெரும்பான்மைக்கு தேவையான எம்.எல்.ஏக்கள் இல்லாத நிலையில், காங்கிரஸ் கட்சியின் ஐந்து எம்.எல்.ஏக்கள் ஆதரவை இப்போது பெற்றுள்ளது. மேலும், சில கட்சிகளின் ஆதரவுடன் ஆட்சியை அமைத்துவிடும் முனைப்பில் தற்போது த.வெ.க முகாம் வேகமாக வேலை செய்து வருகிறது.

 இந்நிலையில்  விஜய் தலைமையிலான ஆட்சியில் அமைச்சராக பதவியேற்க உள்ளவர்கள் யார் என்கிற தகவல் தற்போது கசிய ஆரம்பித்துள்ளது.

இதுகுறித்து த.வெ.க-வுக்கு நெருக்கனமானவர்கள் நம்மிடம் பேசும் போது, “த.வெ.க வின் மூத்த நிர்வாகிகளான என்.ஆனந்த், ஆதவ் அர்ஜுனா, சி.டி.ஆர். நிர்மல் குமார், அருண் ராஜ், ராஜ்மோகன், ஜே.சி.டி.பிரபாகர், காரைக்குடி பிரபு, அறந்தாங்கி பர்வேஸ், மதுரை கல்லானை, ஈரோடு பாலாஜி, சேலம் பார்த்திபன், தாகிரா, விஜயலெட்சுமி, தஞ்சை சரவணன், மரிய வில்சன் ஆகியோர் பட்டியலில் இடம் பெற உள்ளனர் என்கிறார்கள். இவர்களுக்கான இலாகாகளும் இறுதி செய்யப்பட்டுள்ளது என்கிறார்கள் பனையூர் வட்டாரத்தில். 

அதே போல் காங்கிரஸ் கட்சி இரண்டு அமைச்சர்களை வழங்க உள்ளார்களாம். அதன்படி அந்த கட்சியில் மேலுார் விஸ்வநாதன், தாரகை கத்பர்ட் ஆகிய இருவருக்கும் வாய்ப்பு தர உள்ளார்களாம்.

அதே போல், வி.சி.க-வும் த.வெ.க -வுக்கு ஆதரவு தெரிவிக்கும் மூடில் இருப்பதாக தகவல் வெளியாகியுள்ளது. அவர்களும் இணைந்தால், வன்னியரசுக்கு வாய்ப்பு வழங்கும் மூடில் த.வெ.க உள்ளது. 

கடந்த அ.தி.மு.க, தி.மு.க போன்ற கட்சிகளின் ஆட்சியில் முப்பதுக்கு குறையாத அளவுக்கு அமைச்சர்கள் இடம்பெறுவார்கள். ஆனால், த.வெ.கவின் ஆட்சியில் அமைச்சர்களின் குறைவான எண்ணிக்கையிலேயே அமைச்சர்களை நியமிக்க முடிவெடுத்துள்ளனர். பின்னர் தேவையெனில் அமைச்சரவை விரிவாக்கம் செய்துகொள்ளலாம் என்கிற மூடில் இருக்கிறார்களாம்.