Ajith: "'GBU' மூலம் மறக்க முடியாத நினைவுகளை உருவாக்கியுள்ளோம், இன்னும்.!"- அஜித்தை வாழ்த்திய ஆதிக்

தமிழ் சினிமாவில் முன்னணி நடிகராக வளம் வரும் நடிகர் அஜித் இன்று தனது 55-வது பிறந்தநாளைக் கொண்டாடுகிறார்.

அவருக்கு பலரும் பிறந்தநாள் வாழ்த்துக்களைத் தெரிவித்து வருகின்றனர். அந்த வகையில் இயக்குநர் ஆதிக் ரவிச்சந்திரன் அஜித்திற்கு பிறந்தநாள் வாழ்த்தைத் தெரிவித்திருக்கிறார்.

இது தொடர்பாக அவர் வெளியிட்டிருக்கும் பதிவில்," இனிய பிறந்தநாள் வாழ்த்துக்கள் அஜித் சார். அனைவரையும் உத்வேகப்படுத்தியதற்காகவும், இந்தியாவிற்கு பெருமை சேர்த்ததற்காகவும் நன்றி.

நீங்கள் எங்களின் மிகப்பெரிய பெருமை. எங்களின் பத்ம பூஷன். உங்களின் அன்பை பெறுவதை நான் அதிர்ஷ்டமாக கருதுகிறேன்.

உங்களை சந்தித்த அந்த நாளுக்காக நான் நன்றிக்கடன் பட்டுள்ளேன். GBU ( Good Bad Ugly) மூலம் மறக்க முடியாத நினைவுகளை உருவாக்கியுள்ளோம்.

இன்னும் பல நினைவுகளை கூடிய விரைவில் உருவாக்க ஆவலுடன் இருக்கிறேன். GBU படத்தின் மூலம் பல நல்ல நினைவுகளை உருவாக்கியுள்ளோம்.

எல்லாம் ஒரு கனவுபோல் இருக்கிறது. இது போன்ற ஸ்பெஷலான நினைவுகளை கூடிய விரைவில் மீண்டும் உருவாக்க ஆவலுடன் காத்திருக்கிறேன்!” என்று வாழ்த்தியிருக்கிறார்.