"'பத்தா' படம் விஜய் சேதுபதி பண்ணா தான் நல்லா இருக்கும்.!"- படக்குழுவை நேரில் பாராட்டிய கமல்ஹாசன்

Oct 08, 2026 - 19:30

"'பத்தா' படம் விஜய் சேதுபதி பண்ணா தான் நல்லா இருக்கும்.!"- படக்குழுவை நேரில் பாராட்டிய கமல்ஹாசன்

விஜய் சேதுபதி நடிப்பில், பாலாஜி தரணிதரன் இயக்கத்தில் வெளியாகியிருக்கும் 'பத்தா' திரைப்படம் நல்ல வரவேற்பைப் பெற்று வருகிறது.

அட்லீ தயாரித்துள்ள இந்தப் படத்திற்கு சாய் அபயங்கர் இசையமைத்திருக்கிறார்.

இப்படக்குழுவினரை நேரில் அழைத்து பாராட்டி இருக்கிறார் கமல்ஹாசன். இதுதொடர்பான வீடியோ இணையத்தில் வைரலாகி இருக்கிறது.

வீடியோவில் பேசியிருக்கும் கமல்ஹாசன், " 'பத்தா' படம் பார்த்தேன். இந்தப் படத்தைப் பார்த்தபோது முதலில் எனக்கு நன்றி சொல்லத் தான் தோன்றியது.

இந்த மாதிரி படங்கள் வர வேண்டும். படத்தைப் பார்க்கும்போது சந்தோஷம் எவ்வளவு முக்கியமானது என்று நமக்கு புரியும். இது ஒரு நல்ல நகைச்சுவை படம் மற்றும் எமோஷனலான படமும் கூட.

Ulaganayagan #Kamalhaasan Watched and Appreciated #Baththa Team..

"The first thing that comes to my mind is, “Thank you.” These kinds of films should be made. This is a very humorous film, and everyone has acted really well. There are actors of different sizes in the film. You…
— Laxmi Kanth (@iammoviebuff007) October 7, 2026

எல்லோரும் மிகப்பிரமாதமாக நடித்திருக்கிறார்கள். விஜய் சேதுபதியும் மிகப்பிரமாதமாக நடித்திருக்கிறார். 'பத்தா' படம் பாருங்கள். இந்தப் படம் இவர் நடித்தால் தான் நன்றாக இருக்கும்.

சில கதைகள் சிலருக்காக எழுதப்பட்டது. எனக்கு ரொம்ப சந்தோஷமாக இருந்தது. இது ஒரு குடும்பப் படம் எல்லோரும் பாருங்கள்" என்று நெகிழ்ச்சியாகப் பேசியிருக்கிறார்.