மாத ராசிபலன்

வைகாசி மாத ராசிபலன் மே 15 முதல் ஜூன் 14 வரை மேஷம் முதல் மீனம் வரை 12 ராசிகளுக்கான ராசிபலன்கள் அதிர்ஷ்ட நாள்கள், அதிர்ஷ்டக் குறிப்புகள், பரிகாரங்களுடன் கணித்துத் தந்திருக்கிறார் ‘ஜோதிடஶ்ரீ’முருகப்ரியன்

மேஷம் ராசி அன்பர்களே!

காரியங்களில் அனுகூலம் உண்டாகும். குடும்பத்தில் மகிழ்ச்சியான சூழ்நிலை காணப்படும். உறவி னர்களால் மகிழ்ச்சியும் ஆதாயமும் ஏற்படுவதுடன், செலவுகளும் ஏற்படும். பணவரவுக்குக் குறைவி ருக்காது. கணவன் - மனைவிக்கிடையே இருந்த பிரச்னை மறைந்து அந்நியோன்யம் அதிகரிக்கும். ஆடம்பர வசதிகள் பெருகும். மனதில் மகிழ்ச்சியும் உற்சாகமும் அதிகரிக்கும். நண்பர்களின் ஆதரவும், அவர்களால் ஆதாயமும் உண்டாகும். சிலருக்கு புதிய வாகனம் வாங்கும் வாய்ப்பு உண்டாகும். புதிய ஆடை வாங்க நினைத்திருந்த எண்ணம் இப்போது நிறைவேறும். சிலருக்கு வீட்டில் மராமத்துப் பணிகளை மேற்கொள்ளவேண்டி வரும். அதன் காரணமாக செலவுகளும் அதிகரிக்கும். வேலையின் காரணமாகப் பிரிந்திருந்த கணவன் - மனைவி ஒன்று சேருவதற்கான வாய்ப்பு ஏற்படும். பிள்ளை களால் மகிழ்ச்சி உண்டாகும். அவர்களின் விருப்பத்தை நிறைவேற்றுவீர்கள். தந்தையின் உடல் ஆரோக்கியத்தில் கவனம் தேவை. தந்தைவழி உறவினர்கள் முரண்டு பிடித்தாலும் அனுசரித்துச் செல்வது நல்லது. அரசாங்கக் காரியங்கள் முடிவதில் இழுபறியான நிலையே காணப்படும்.

அலுவலகத்தில் பணிச்சுமை அதிகரிக்கும். உங்கள் வேலைகளில் மிகுந்த கவனம் தேவை. சிலருக்கு இடமாற்றமும் ஏற்படக்கூடும். அதிகாரிகளின் ஆதரவை எதிர்பார்க்க முடியாது. மாதப் பிற்பகுதியில் அரசுப் பணியில் இருப்பவர்கள் தங்கள் பணிகளில் மிகவும் எச்சரிக்கையாக இருக்கவேண்டும்.

தொழில்,வியாபாரம் சுமாராகத்தான் இருக்கும். சக போட்டியாளர்களால் மறைமுகப் பிரச்னைகள் ஏற்பட்டாலும், அதனால் பாதிப்பு எதுவும் இருக்காது. பற்று வரவில் மிகுந்த கவனம் தேவை.

குடும்பத்தை நிர்வகிக்கும் பெண்களுக்கு மகிழ்ச்சி தரும் மாதமாக இருக்கும். புதிய ஆடை, ஆபர ணங்கள் வாங்கும் யோகம் உண்டாகும். வேலைக்குச் செல்லும் பெண்களுக்கு அலுவலகத்தில் எதிர்பார்த்த பதவிஉயர்வு, ஊதியஉயர்வு போன்ற சலுகைகள் கிடைக்கக்கூடும்.

அதிர்ஷ்டம் தரும் நாள்கள்: மே 16,18,21,26,27,28 ஜூன் 2,6,8,9,13

அதிர்ஷ்ட எண்கள்: 3,7

சந்திராஷ்டம நாள்கள்: மே 30 காலை முதல் 31, ஜூன் 1 இரவு வரை

பரிகாரம்: முருகப்பெருமான் வழிபாடும், கந்தசஷ்டிக் கவசம் பாராயணம் செய்வதும் நன்மை தரும்.

ரிஷபம் ராசி அன்பர்களே!

குடும்பத்தில் உள்ளவர்களாலும் அக்கம்பக்கத்தில் உள்ளவர்களாலும் சிறு சிறு பிரச்னைகள் ஏற்படக்கூடும். மிகவும் பொறுமையாக இருக்கவேண்டியது அவசியம். எதையும் சமாளிக்கும் மனஉறுதி அதிகரிக்கும். புதிய ஆடை, ஆபரணங்களின் சேர்க்கை ஏற்படும். சிலருக்கு வாழ்க்கைத் துணைவழி உறவினர்களால் பொருள்சேர்க்கைக்கும் பணவரவுக்கும் வாய்ப்பு உண்டு. உறவினர், நண்பர் வீட்டு விருந்து விசேஷங்களுக்குச் சென்று வருவீர்கள். செல்வாக்கும் கௌரவமும் அதிகரிக்கும். கருத்து வேறுபாடு காரணமாக பிரிந்திருந்த கணவன் - மனைவி ஒன்று சேரும் வாய்ப்பு உண்டாகும். வாழ்க்கைத்துணையால் ஆதாயம் உண்டாகும். சிலருக்குக் குழந்தை பாக்கியம் ஏற்படக்கூடும். குடும்பத்தினரின் அவசியத் தேவைகளைப் பூர்த்தி செய்வீர்கள். சிலருக்கு புதிய வாகனம் வாங்கும் வாய்ப்பு உண்டு. பிள்ளைகளின் கல்வி மற்றும் திருமண முயற்சிகளில் சற்று சிரமப்பட்டே அனுகூலமான பலன்களை அடைய முடியும். பிள்ளைகளின் பிடிவாதப் போக்கு மாறும். தாய்மாமன் வழியில் எதிர்பார்த்த காரியம் அனுகூலமாக முடியும்.

அலுவலகத்தில் பணிச்சுமை அதிகரிக்கும். நேரம் காலம் பார்க்காமல் உழைக்கவேண்டி வரும். உங்கள் வேலைகளை நீங்களே செய்துகொள்வது நல்லது. அதிகாரிகளிடம் பேசும்போது பொறுமை யைக் கடைப்பிடிக்கவும்.

தொழில் வியாபாரத்தில் முன்னேற்றமான நிலை உண்டாகும். புதிய முயற்சிகள் சாதகமாக முடியும். வியாபாரத்தை விரிவுபடுத்துவதற்கான வங்கிக் கடனுதவி கிடைக்கும். எதிர்பார்த்த அரசாங்க சலுகைகள் கிடைக்கும்.

குடும்பத்தை நிர்வகிக்கும் பெண்களுக்கு குடும்ப உறுப்பினர்களின் அன்பும் ஆதரவும் கிடைக்கும். அக்கம்பக்கத்தில் உள்ளவர்கள் அனுசரணையாக நடந்துகொள்வார்கள். அலுவலகம் செல்லும் பெண்கள் அனைத்து விஷயங்களிலும் பொறுமையைக் கடைப்பிடிக்கவேண்டியது அவசியம்.

அதிர்ஷ்டம் தரும் நாள்கள்: மே 16,18,26,27,30, ஜூன் 5,6,9,13

அதிர்ஷ்ட எண்கள்: 4, 7

சந்திராஷ்டம நாள்கள்: ஜூன் 1 இரவு முதல் 2,3,4 காலை வரை

பரிகாரம்: சிவபெருமான் வழிபாடும், மகாலட்சுமி வழிபாடும் சுபபலன்களை அதிகரிக்கும்.

மிதுனம் ராசி அன்பர்களே!

குடும்பத்தில் மகிழ்ச்சி நிலவும். வீட்டில் சிறிய அளவில் வளைகாப்பு, பெயர்சூட்டல் போன்ற சுபநிகழ்ச்சிகள் நடைபெறும். பணப்புழக்கம் அதிகரிக்கும். இழுபறியாகி வந்த அரசாங்கக் காரியங்கள் மிகுந்த பிரயாசையின்பேரில் சாதகமாக முடியும் . உறவினர்கள் மூலம் ஆதாயம் உண்டாகும். சிலருக்கு குழந்தை பாக்கியம் கிடைக்கக்கூடும். தடைப்பட்ட புதிய முயற்சி கள் இனி சாதகமாக முடியும். வீட்டில் பொன்,பொருள் சேரும் வாய்ப்பும் ஏற்படும். பிள்ளைகளால் மகிழ்ச்சியும் பெருமையும் உண்டாகும். கணவன் - மனைவிக்கிடையில் அந்நியோன்யம் அதிகரிக் கும். பிரிந்திருந்த கணவன் - மனைவி ஒன்று சேர்வதற்கான சந்தர்ப்பம் ஏற்படும். தந்தையுடன் ஏற்பட் டிருந்த கருத்துவேறுபாடு நீங்கும். தந்தைவழி உறவினர்களால் அனுகூலம் உண்டாகும். அக்கம்பக்கத் தில் இருப்பவர்களால் தேவையற்ற பிரச்னைகள் ஏற்படக்கூடும் என்பதால் பொறுமையைக் கடைப் பிடிக்கவும். இளைய சகோதரர்களை அனுசரித்துச் செல்லவும். முக்கிய முடிவுகளில் குடும்பப் பெரிய வர்களின் ஆலோசனையைக் கேட்டுச் செய்வது நல்லது.

அலுவலகத்தில் எதிர்பார்த்த பதவி உயர்வு கிடைக்கும். அதிகாரிகளின் ஆதரவு அமோகமாக இருக்கும். சக ஊழியர்கள் உங்கள் பணிகளில் உதவி செய்வார்கள். நிர்வாகத்தினரிடம் வைத்த கோரிக்கை நிறைவேறும்.

தொழிலதிபர்கள், வியாபாரிகளுக்கு தொழில் அபிவிருத்தி அடையும். வியாபாரத்தில் விற்பனையும் லாபமும் அதிகரிக்கும். அரசு வகையில் எதிர்பார்த்த சலுகை கிடைப்பதில் தாமதம் ஏற்படும். பற்று வரவு சுமுகமாக நடைபெறும்.

குடும்பத்தை நிர்வகிக்கும் பெண்களுக்கு பிரச்னை எதுவும் இருக்காது. தேவையான பணம் கிடைக்கும். உறவினர்களிடம் மதிப்பு மரியாதை அதிகரிக்கும். வேலைக்குச் செல்லும் பெண்களுக்கு மேலதிகாரிகளின் பாராட்டுகள் கிடைக்கும்.

அதிர்ஷ்டம் தரும் நாள்கள்: மே 16,18,26,27,30,31, ஜூன் 3,7,9,13,14

அதிர்ஷ்ட எண்கள்: 1, 3, 5

சந்திராஷ்டம நாள்கள்: ஜூன் 4 காலை முதல் 5,6 மாலை வரை

பரிகாரம்: வெள்ளிக்கிழமை ராகுகாலத்தில் துர்கைக்கு 9 நெய்தீபம் ஏற்றி வழிபட நன்மைகள் அதிகரிக்கும்.

கடகம் ராசி அன்பர்களே!

பணப்புழக்கம் அதிகரிக்கும். உறவினர்களிடையே ஏற்பட்டிருந்த அவப் பெயர் நீங்கும். செல்வாக்கு அதிகரிக்கும். மனதில் உற்சாகம் ஏற்படும். பகைவர்களால் இருந்து வந்த இடையூறுகள் மறையும். குடும்பத்தில் மகிழ்ச்சி அதிகரிக்கும். திடீர் பணவரவுக்கு வாய்ப்பு உண்டு. பழுதான பழைய வாகனத்தை மாற்றிவிட்டு, புதிய வாகனம் வாங்குவீர்கள். சிலருக்குக் குழந்தை பாக்கியம் கிடைக்கக்கூடும். உடல் ஆரோக்கியம் மேம்படும். கூடுமானவரை தொலைதூரப் பயணங்களைத் தவிர்க்கவும். உங்க ளைத் தவறாகப் புரிந்துகொண்ட உறவினர்கள், தங்கள் தவற்றை உணர்ந்து, வலிய வந்து மன்னிப்புக் கேட்பார்கள். நண்பர்கள் உங்கள் முயற்சிகளுக்குப் பக்கபலமாக இருப்பார்கள். தந்தைவழியில் உங்க ளுக்குச் சேரவேண்டிய சொத்துகள் கிடைப்பதற்கான வாய்ப்பு கனிந்து வரும். சொந்த ஊரிலுள்ள குலதெய்வக் கோயில் திருப்பணிகளுக்கு உதவி செய்வீர்கள். வாழ்க்கைத்துணைவழி உறவினர்களால் மகிழ்ச்சியுடன் செலவுகளும் அதிகரிக்கும். தந்தையுடன் ஏற்பட்டிருந்த கருத்துவேறுபாடுகள் நீங்கும். அவரிடம் எதிர்பார்த்த காரியம் அனுகூலமாக முடியும். வழக்குகளில் சாதகமான போக்கு ஏற்படும்.

பணியாளர்களுக்கு அலுவலகத்தில் மதிப்பும் மரியாதையும் அதிகரிக்கும். பணிச்சுமை குறைவதால், உற்சாகமாகக் காணப்படுவீர்கள். நிர்வாகத்திடம் முக்கிய கோரிக்கை வைப்பதற்கு சாதகமான மாதம். அலுவலகத்தில் எதிர்பார்த்த கடனுதவி கிடைக்கும்.

தொழிலதிபர்கள், வியாபாரிகளுக்கு அரசின் சலுகை, வங்கிக் கடனுதவி போன்றவை கிடைக்கும். பணியாளர்களின் ஒத்துழைப்பு நன்றாக இருக்கும். அவர்களின் சாமர்த்தியத்தால் விற்பனையும் லாபமும் அதிகரிக்கும்.

பெண்கள், கணவர் மற்றும் குடும்பத்தாரின் அன்பைப் பெறுவர். மதிப்பு மரியாதை அதிகரிக்கும். உறவினர்களுடன் உறவு சுமுகமாகும். புத்தாடை, நகை வாங்கலாம். அலுவலகத்தில் உற்சாகமான சூழ்நிலையே காணப்படும்.

அதிர்ஷ்டம் தரும் நாள்கள்: மே 17,19,26,30, ஜூன் 1,3,5,10,13

அதிர்ஷ்ட எண்கள்: 1, 7

சந்திராஷ்டம நாள்கள்: ஜூன் 6 மாலை முதல் 7,8 இரவு வரை

பரிகாரம்: திங்கள்கிழமைகளில் சிவபெருமானுக்கு வில்வத்தால் அர்ச்சனை செய்வதும், விநாயகருக்கு அறுகம்புல்லால் அர்ச்சனை செய்வதும் நன்மை தரும்.

சிம்மம் ராசி அன்பர்களே!

தடைகளை முறியடித்து சாதனை படைப்பீர்கள். பணப்புழக்கம் அதிகரிக்கும். அவசியத் தேவைகள் பூர்த்தியாகும். குடும்பத்தில் ஆடம்பர வசதிகள் பெருகும். குடும்பத்தில் இருந்து வந்த பிரச்னைகள் மறையும். கணவன் - மனைவிக்கிடையே அந்நியோன்யம் அதிகரிக்கும். உறவினர்கள் உதவிகரமாக செயல்படுவர். உங்களைத் தவறாகப் புரிந்துகொண்ட உறவினர்கள் தங்கள் தவற்றை உணர்ந்து திரும்பி வந்து அன்பு பாராட்டுவார்கள். கருத்துவேறுபாடு காரணமாக பிரிந்திருந்த கணவன் - மனைவி ஒன்று சேரும் வாய்ப்பு கனிந்து வரும். மாதப் பிற்பகுதியில் உறவினர்களால் மனக்கசப்பு தரும் சம்பவங்கள் நடைபெறக்கூடும் என்பதால், கூடுமானவரை பொறுமையைக் கடைப்பிடிப்பது நல்லது. சகோதரர்களால் காரியங்களில் அனுகூலம் உண்டாகும். தாய்வழி உறவினர்களால் சில அனுகூலப் பலன்கள் ஏற்படும். தாய்மாமன் வழியில் சுபச் செய்தி கிடைப்பதற்கு வாய்ப்பு உண்டு. சிலருக்குக் குடும்பப் பொறுப்புகளை நிறைவேற்றும் வகையில் அலைச்சலும் செலவுகளும் ஏற்படும்.

பணியாளர்களுக்கு இதுவரை இருந்த அவப்பெயர் மறையும். சக ஊழியர்களிடையே உங்கள் செல் வாக்கு உயரும். நிர்வாகத்தினரிடம் எதிர்பார்த்த சலுகைகள் கிடைக்கும். அதிகாரிகளின் ஆதரவு கிடைக்கும்.

தொழில், வியாபாரம் விறுவிறுப்பாக நடைபெறும். லாபம் அதிகரிக்கும். ஷேர் வர்த்தகத்தில் மட்டும் சற்று எச்சரிக்கையாக நடந்துகொள்ளவும்.

குடும்பத்தை நிர்வகிக்கும் பெண்களுக்கு குடும்ப உறுப்பினர்களால் புதிய ஆடை, ஆபரண சேர்க்கை உண்டாகும். அலுவலகத்துக்குச் செல்லும் பெண்களுக்கு மகிழ்ச்சியான சூழ்நிலையே காணப்படும். புதிய பொறுப்பு ஒன்று தேடி வரும்.

அதிர்ஷ்டம் தரும் நாள்கள்: மே 17,18,25,26,28,31 ஜூன் 1,5,6,13

அதிர்ஷ்ட எண்கள்: 2,9

சந்திராஷ்டம நாள்கள்: ஜூன் 8 இரவு முதல் 9,10,11 அதிகாலை வரை

பரிகாரம்: மகாலட்சுமி தாயாருக்கு நெய்தீபம் ஏற்றுவதும், கனகதாரா ஸ்தோத்திரம் பாராயணம் செய்வதும் அளவற்ற நன்மை தரும்.

கன்னி ராசி அன்பர்களே!

நீண்ட நாள் கனவு நல்லபடி நிறைவேறும். தொடங்கிய காரியம் அனுகூலமாக முடியும். எதிரிகள் அடங்கிப் போவார்கள். குடும்பத்தில் மகிழ்ச்சியும் உற்சாகமுமான சூழ்நிலை உருவாகும். உங்கள் முயற்சிகளில் வெற்றி கிடைக்கும். பிள்ளைகளால் மகிழ்ச்சியும், பெருமையும் கிடைக்கும். கணவன் -மனைவிக்கிடையே அன்பு மேலோங்கும். பெண்கள் வகையில் நற்பலனை எதிர்பார்க்கலாம். பிள்ளைகளின் தேவைகளை நிறைவேற்றுவீர்கள். தந்தையுடன் கருத்துவேறுபாடு ஏற்பட வாய்ப்பு உள்ளதால் அவருடன் அனுசரணையாக நடந்துகொள்ள முயற்சி செய்யவும். வாழ்க்கைத்துணைவழி உறவினர்களிடம் எதிர்பார்த்த உதவி கிடைக்கும். உறவினர்களால் குடும்பத்தில் மகிழ்ச்சி உண்டா கும். சிலருக்குப் பிள்ளைகள் மூலம் பணவரவுக்கும் பொருள் சேர்க்கைக்கும் வாய்ப்பு உண்டு. எதிரிகளால் ஏற்பட்ட தொல்லைகள் நீங்கும். பழைய சொத்தை விற்றுவிட்டு புதிய சொத்து வாங்கும் வாய்ப்பு ஏற்படும். தாயாரின் உடல் ஆரோக்கியத்தில் கவனம் தேவை. தாய்வழி உறவினர்களால் சில சங்கடங்கள் ஏற்படும். இளைய சகோதர வகையில் தேவையற்ற செலவுகள் ஏற்படக்கூடும். அவர்களுடன் இணக்கமாக நடந்துகொள்ளவும்.

அலுவலகத்தில் பணிச்சுமை அதிகரிக்கும். பணிகளில் கவனம் தேவை. சக ஊழியர்களின் ஆதரவு கிடைக்கும். அதிகாரிகள் அனுசரணையாக நடந்துகொள்வார்கள். எதிர்பார்த்த சலுகைகள் கிடைப்ப துடன், விரும்பிய இடமாற்றமும் கிடைக்கும்.

தொழில், வியாபாரத்தில் அனுகூலமான போக்கே காணப்படும். விற்பனையும் லாபமும் எதிர் பார்த்தபடியே இருக்கும். சுயதொழிலில் ஈடுபட்டிருக்கும் பெண்களுக்கு வளர்ச்சிக்கான வழி பிறக்கும்.

குடும்பத்தை நிர்வகிக்கும் பெண்களுக்கு உற்சாகம் தரும் மாதம். குடும்ப உறுப்பினர்களிடையே உங் கள் மீதான அன்பும் அக்கறையும் அதிகரிக்கும். அலுவலகத்துக்குச் செல்லும் பெண்களுக்கு பணிக ளில் கூடுதல் கவனம் தேவை. சிலருக்கு பதவிஉயர்வு தேடி வரும்.

அதிர்ஷ்டம் தரும் நாள்கள்: மே 19,24,27,30 ஜூன் 1,3,7,9,10,14

அதிர்ஷ்ட எண்கள்: 2, 4

சந்திராஷ்டம நாள்கள்: மே 15,16 இரவு வரை; ஜூன் 11 அதிகாலை முதல் 12,13 காலை வரை

பரிகாரம்: வெங்கடேச பெருமாளுக்கு அர்ச்சனை செய்து வழிபடுவதும், முருகப்பெருமானுக்கு செவ்வரளிப் பூக்களால் அர்ச்சனை செய்வதும் நன்மை தரும்.

துலாம் ராசி அன்பர்களே!

குடும்பத்தில் மகிழ்ச்சியான சூழ்நிலையே காணப்படும். பணவரவு திருப்தி தருவதாக இருக்கும். அரசாங்க வகையில் சில பிரச்னைகளும் தேவையற்ற செலவுகளும் ஏற்படக்கூடும். தந்தைவழி உறவினர்களுடன் வீண் விவாதங்கள் ஏற்படக்கூடும் என்பதால், சற்று பொறுமையைக் கடைப் பிடிக்கவேண்டியது அவசியம். கணவன் - மனைவிக்கிடையே அவ்வப்போது கருத்துவேறுபாடு ஏற்படக்கூடும் என்பதால், ஒருவரையொருவர் அனுசரித்துச் செல்வது நல்லது. தடைப்பட்டு வந்த சுபநிகழ்ச்சிக்கான பேச்சுவார்த்தை நல்லபடி முடியும். புதிய மின்சார, மின்னணு சாதனங்கள் வாங்கும் வாய்ப்பு உண்டாகும். உறவினர்களால் ஆதாயம் உண்டாகும். குடும்ப உறுப்பினர்களின் தேவைகளை நிறைவேற்றுவீர்கள். பிள்ளைகளின் மேற்படிப்புக்காக சிலரின் சிபாரிசை நாடவேண்டி வரும். சிலருக்கு வீடு மாறவேண்டிய சூழ்நிலை ஏற்படக்கூடும். வாகனத்தில் பழுது ஏற்பட்டு நீங்கும். சிலருக்கு புதிய வாகனம் வாங்கும் வாய்ப்பு சிலருக்கு ஏற்படும்.

அலுவலகத்தில் வழக்கமான நிலையே காணப்படும். மேலதிகாரிகள் அனுசரணையாக நடந்து கொள்வார்கள். எதிர்பார்த்த சலுகை கிடைக்கும். சிலருக்கு பணியின் காரணமாக வெளியூர்ப் பயணம் மேற்கொள்ள நேரிடலாம்.

தொழில், வியாபாரத்தில் விற்பனையும் லாபமும் அதிகரிக்கும். அரசாங்க வகையில் எதிர்பார்க்கும் காரியங்கள் தாமதமாக முடியும். சக வியாபாரிகளிடம் கவனமாக இருக்கவும். பங்குதாரர்களால் ஆதாயம் ஏற்படக்கூடும்.

குடும்பத்தை நிர்வகிக்கும் பெண்களுக்கு கணவரின் அன்பும் ஆதரவும் மகிழ்ச்சி தரும். செலவுகளுக் குத் தேவையான பணம் கிடைக்கும். அலுவலகம் செல்லும் பெண்களுக்கு எதிர்பார்த்த சலுகை கிடைக்கும். சிலருக்கு புதிய ஆடை, ஆபரணங்களின் சேர்க்கை உண்டாகும்.

அதிர்ஷ்டம் தரும் நாள்கள்: மே 15,21,23,26,30 ஜூன் 1,3,10,12

அதிர்ஷ்ட எண்கள்: 4, 5

சந்திராஷ்டம நாள்கள்: மே 16 இரவு முதல் 17,18 இரவு வரை; ஜூன் 13 காலை முதல் 14 முழுவதும்

பரிகாரம்: வெள்ளியன்று லட்சுமி தாயாருக்கு நெய்தீபம், சதுர்த்தியன்று விநாயகருக்கு அர்ச்சனை, தினமும் காலையில் சூரிய நமஸ்காரம் நன்மை சேர்க்கும்.

விருச்சிகம் ராசி அன்பர்களே!

எடுத்த காரியம் வெற்றிகரமாக முடியும். திருமணம் போன்ற சுபநிகழ்ச்சிகள் நடப்பதற்கான வாய்ப்பு ஏற்படும். பகைவர்களின் சூழ்ச்சிகளை முறியடிப்பீர்கள். பொருளாதார வளம் கூடும். கணவன் - மனைவிக்கிடையே மாத முற்பகுதியில் சிறுசிறு பிரச்னைகள் ஏற்பட்டு நீங்கும். பிற்பகுதியில் அந்நியோன்யம் அதிகரிக்கும். சிலருக்குக் குழந்தை பாக்கியம் கிடைக்கும். திருமண முயற்சிகளில் இருந்து வந்த தடைகள் நீங்கி, நல்ல வரன் அமையும். ஆன்மிகத்தில் நாட்டம் அதிகரிக்கும். பணவரவு திருப்தி தருவதாக இருக்கும். புதிய வாகனம் வாங்கலாம். நண்பர்கள் உதவிகரமாக இருப்பார்கள். ஆடம்பரப் பொருள்கள் வாங்குவீர்கள். உறவினர்கள் வருகையும், அவர்களால் நன்மையும் கிடைக்கும். பிள்ளைகள் வழியில் சொத்துச் சேர்க்கைக்கும், பணவரவுக்கும் வாய்ப்பு உண்டு. வாழ்க்கைத்துணைவழி உறவினர்களால் குடும்பத்தில் சில குழப்பங்கள் ஏற்படும் என்பதால், பொறுமையைக் கடைப்பிடிப்பது மிகவும் அவசியம். அரசாங்கக் காரியங்கள் அனுகூல மாக முடியும். தந்தையின் மூலம் பணவரவுக்கு வாய்ப்பு உண்டு.

அலுவலகத்தில் சிறப்பான வளர்ச்சி காணலாம். சம்பள உயர்வுக்குத் தடையில்லை. வேலையின் காரணமாக குடும்பத்தை விட்டுப் பிரிந்திருந்த கணவன் - மனைவி ஒன்று சேருவர். பதவி உயர்வு உண்டு. எதிர்பார்த்த இடமாற்றம் கிடைக்கும்.

தொழிலதிபர்கள், வியாபாரிகளுக்கு அலைச்சல் அதிகரித்தாலும், நல்ல வளர்ச்சியும், பணவரவும் இருக்கும். பங்குதாரர்கள் தக்க சமயத்தில் உதவுவர். சிலநேரங்களில் முயற்சிகளில் தடைகள் வரலாம்.

பெண்களுக்கு பிரச்னை எதுவும் இல்லாத மாதமாக இருக்கும். தேவையான அளவுக்குப் பணம் இருப்பதால் குடும்பத்தை நிர்வகிப்பதில் சிரமம் எதுவும் இருக்காது. வேலைக்குச் செல்லும் பெண் களுக்கு அலுவலகத்தில் மதிப்பு அதிகரிக்கும். சக ஊழியர்கள் உதவிகரமாக இருப்பர்.

அதிர்ஷ்டம் தரும் நாள்கள்: மே 17,23,24,26,30 ஜூன் 1,3,4,7,12,14

அதிர்ஷ்ட எண்கள்: 1, 3

சந்திராஷ்டம நாள்கள்: மே 18 இரவு முதல்19,20,21 அதிகாலை வரை

பரிகாரம்: தேய்பிறை சதுர்த்தியன்று விநாயகர் வழிபாடு, ஞாயிறு ராகு காலத்தில் காளிக்கு நெய் தீபம், சனிக்கிழமையன்று ஆஞ்சநேயருக்கு அர்ச்சனை செய்யவும்.

தனுசு ராசி அன்பர்களே!

தொடங்கும் காரியங்கள் வெற்றிகரமாக முடியும். அரசாங்கக் காரியங்கள் இழுபறியாக இருந்தா லும் முடிவில் சாதகமாகும். தாய்வழி உறவுகளால் நன்மைகள் ஏற்படும். தொலைதூரத்திலிருந்து எதிர் பார்த்த சுபச்செய்தி கிடைப்பதற்கு வாய்ப்பு உண்டு. கணவன் - மனைவிக்கிடையே சிறுசிறு கருத்து வேறுபாடுகள் ஏற்பட்டாலும், உடனே நீங்கிவிடும். ஒருவருக்கொருவர் விட்டுக் கொடுத்துச் செல்வ தன் மூலம் பிரச்னைகளைத் தவிர்த்து விடுவீர்கள். சுபநிகழ்ச்சிகள் நடைபெறுவதற்கான வாய்ப்புகள் கூடி வரும். வீடு, மனை வாங்கும் முயற்சியில் தடை, தாமதம் ஏற்படும். வாழ்க்கைத் துணையின் உடல் ஆரோக்கியத்தில் கவனம் தேவை. பிள்ளைகளால் சில சங்கடங்களைச் சமாளிக்கவேண்டி வரும். தாய்வழி உறவுகளிடம் எதிர்பார்த்த காரியம் அனுகூலமாக முடியும். பிள்ளைகள் பிடிவாதம் பிடிப்பார்கள். கூடுமானவரை அவர்களைக் கண்டிக்காமல் அனுசரித்துச் செல்வது நல்லது. அரசாங்க வகையில் சில பிரச்னைகள் ஏற்பட்டு நீங்கும். சகோதரர்கள் பணம் கேட்டு நச்சரிப்பார்கள். குலதெய்வ பிரார்த்தனையை நிறைவேற்றும் வாய்ப்பு சிலருக்கு ஏற்படும்.

பணியாளர்களுக்கு மகிழ்ச்சியான மாதம். எதிர்பார்த்த பதவிஉயர்வு கிடைக்கும். அலுவலகத்தில் உங்கள் செல்வாக்கு அதிகரிக்கும். கோரிக்கைகள் நிறைவேறும். சக ஊழியர்கள் உதவிகரமாக இருப்பர்.

தொழிலதிபர்கள், வியாபாரிகள் மாதப் பிற்பகுதியில் சிறப்பான பலன்களைக் காணலாம். பணப் புழக்கம் நன்றாக இருக்கும். எதிர்பாராத பணவரவுடன் திடீர் செலவுகளும் ஏற்படும்.

பெண்கள் குடும்பத்தாரிடம் நன்மதிப்பை பெறுவர். அக்கம்பக்கத்தில் உள்ளவர்கள் அனுகூலமாக இருப்பர். வேலைக்கு செல்லும் பெண்களுக்கு மகிழ்ச்சியான மாதம். சுயதொழிலில் ஈடுபடும் பெண்களுக்கு தொழிலில் நல்ல முன்னேற்றம் உண்டாகும்.

அதிர்ஷ்டம் தரும் நாள்கள்: மே 15,17,24,27,29 ஜூன் 1,4,6,9,13,16

அதிர்ஷ்ட எண்கள்: 2, 6

சந்திராஷ்டம நாள்கள்: மே 21 அதிகாலை முதல் 22,23 காலை வரை

பரிகாரம்: தேய்பிறை அஷ்டமியில் பைரவர் வழிபாடு, சனிக்கிழமையில் ஆஞ்சநேயருக்கு அர்ச்சனை செய்தும், ரோகிணியன்று கிருஷ்ணருக்கு நெய்தீபம் ஏற்றியும் வழிபடவும்.

மகரராசி அன்பர்களே! 

பணவரவு தாராளமாக இருக்கும். சிலருக்கு எதிர்பாராத பணவரவுக்கும் வாய்ப்பு உண்டு. காரியங்களில் இருந்து வந்த தடை, தாமதங்கள் நீங்குவதுடன் புதிய முயற்சிகளும் அனுகூலமாக முடியும். செல்வாக்கு அதிகரிக்கும். திருமணம் போன்ற சுபநிகழ்ச்சிகள் நடைபெறு வதற்கான வாய்ப்பு ஏற்படும். வீட்டில் இருந்த பிரச்னை, உறவினர்களிடையே கருத்து வேறுபாடு முதலியன நீங்கும். அரசாங்கக் காரியங்கள் அனுகூலமாக முடியும். தந்தையுடன் இருந்து வந்த கருத்துவேறுபாடுகள் நீங்கும். தந்தையிடம் எதிர்பார்த்த உதவி கிடைக்கும். பிதுர்வழிச் சொத்தில் இருந்த பிரச்னை சுமுகமாக முடியும். சிலருக்கு பழைய வாகனத்தை மாற்றிவிட்டு புதிய வாகனம் வாங்கும் வாய்ப்பு உண்டாகும். பிரிந்த தம்பதி ஒன்று சேருவர். கணவன் - மனைவிக்கிடையே பாசம் மேலோங்கும். சிலருக்குக் குழந்தை பாக்கியம் கிடைக்கும். சகோதரர்களுடன் அனுசரணையாக நடந்துகொள்ளவும். அவர்களால் ஆதாயமும் உண்டாகும். நீண்டநாளாக செலுத்த நினைத்த குலதெய்வப் பிரார்த்தனையை செலுத்தி முடிப்பீர்கள். பிள்ளைகளால் மகிழ்ச்சியும் பெருமையும் உண்டாகும்.

அலுவலகத்தில் பணிச்சுமை அதிகரிக்கும். ஆனால், இதுவரை உங்களைப் பற்றி இருந்து வந்த தவறான அபிப்பிராயம் நீங்கி, செல்வாக்கு அதிகரிக்கும். சக ஊழியர்களால் ஏற்பட்ட பிரச்னைகள் நீங்கும். அதிகாரிகளை அனுசரித்துச் செல்லவும்.

தொழிலதிபர்கள், வியாபாரிகளுக்கு பொருளாதார வளம் கூடும். லாபம் கூடுதலாக இருக்கும். போட்டியாளர்களால் ஏற்பட்ட இடையூறுகள் நீங்கும். பற்றுவரவு சுமுகமாக நடைபெறும். அரசாங்க வகையில் எதிர்பார்த்த லைசென்ஸ் கிடைக்கும்.

பெண்களுக்கு நிம்மதியான மாதம். பணப்புழக்கம் அதிகரிப்பதால் சிறிது சேமிக்கவும் முடியும். பிள்ளைகள் உங்கள் தேவைகளைக் கேட்டுக் கேட்டு நிறைவேற்றுவது மகிழ்ச்சி தரும். வேலை பார்ப்பவர்களுக்கு இதுவரை இருந்து வந்த பணிச்சுமை குறையும். எதிர்பார்த்த ஊதிய உயர்வு கிடைக்கும்.

அதிர்ஷ்டம் தரும் நாள்கள்: மே 17,22,26,28,30 ஜூன் 1,5,7,9,11

அதிர்ஷ்ட எண்கள்: 5, 6

சந்திராஷ்டம நாள்கள்: மே 23 காலை முதல் 24,25 பகல் வரை

பரிகாரம்: செவ்வாயன்று முருகனுக்கு பால் அபிஷேகம், பிரதோஷத்தன்று நந்தீஸ்வரருக்கு அர்ச்சனை, தேய்பிறை சதுர்த்தி அன்று விநாயகர் வழிபாடு நலம் சேர்க்கும்.

கும்பம் ராசி அன்பர்களே!

குடும்பத்தில் மதிப்பு, மரியாதை அதிகரிக்கும். உறவினர்களுடனான உறவு சுமுகமாகக் காணப்படும். சிலருக்கு சுபச்செலவுகள் அதிகரிக்கும். கணவன் - மனைவிக்கிடையே அன்பு அதிகரிக்கும். பெண் களால் ஆதாயம் உண்டாகும். அக்கம்பக்கத்தில் நடைபெறும் விருந்து, விசேஷங்களில் கலந்துகொள் வீர்கள். குடும்பம் தொடர்பான முடிவு எடுப்பதில் பெரியோர்களின் ஆதரவும், ஆலோசனையும் பயனுள்ளதாக இருக்கும். நண்பர்கள் உதவிகரமாக இருப்பர். ஆன்மிகத்தில் நாட்டம் அதிகரிக்கும். தாய்வழி உறவுகளால் எதிர்பார்த்த நன்மைகள் நடக்கும். குலதெய்வப் பிரார்த்தனையை நிறை வேற்றும் சந்தர்ப்பம் உண்டாகும். தந்தையின் ஆலோசனை பயனுள்ளதாக இருப்பதுடன், முன்னேற் றத்துக்கும் வழி காட்டுவதாக அமையும். ஆனால், அவருடைய உடல் ஆரோக்கியத்தில் கவனம் தேவை. சிலருக்கு வேறு வேலைக்கு மாறவேண்டிய நிர்ப்பந்தம் ஏற்படும். தந்தையின் உடல் ஆரோக் கியத்தில் கவனம் தேவை. அரசாங்க அதிகாரிகளை அணுகும்போது பொறுமை அவசியம். தாய்வழி உறவினர்களால் சில சங்கடங்கள் ஏற்பட்டு நீங்கும்.

பணியாளர்கள் உற்சாகமாக பணிகளில் ஈடுபட்டு மேலதிகாரிகளின் பாராட்டுகளைப் பெறுவீர்கள். எதிர்பார்த்த சலுகைகள் கிடைக்கும். எதிர்பார்த்த பதவிஉயர்வு கிடைப்பது தாமதமாகும். சக ஊழியர்கள் பணிகளில் உதவி செய்வார்கள். அதிகாரிகள் அனுசரணையாக நடந்துகொள்வார்கள்.

தொழில், வியாபாரத்தில் மறைமுகப் போட்டிகளும், அரசு வகையில் அனுகூலமற்ற போக்கும் ஏற்பட்டு நீங்கும். பழைய பாக்கிகளை வசூலிப்பதில் கனிவான அணுகுமுறை அவசியம். பணியாளர் களால் வீண்செலவுகள் அதிகரிக்கும்.

பெண்களுக்கு குடும்பத்தில் மகிழ்ச்சி அதிகரிக்கும். தோழிகள் ஆதரவாக இருப்பர். அக்கம் பக்கத்ல் உள்ளவர்கள் உதவிகரமாக இருப்பர். கணவன் மற்றும் குடும்பத்தாரிடம் நன்மதிப்பைப் பெறலாம். வேலைக்கு செல்லும் பெண்கள் சிறப்பான பலன் பெறுவர்.

அதிர்ஷ்டம் தரும் நாள்கள்: மே 22,23,28,30 ஜூன் 1,4,6,7,10,12

அதிர்ஷ்ட எண்கள்: 3, 7

சந்திராஷ்டம நாள்கள் மே 25 பகல் முதல் 26,27 இரவு வரை

பரிகாரம்: செவ்வாய்க்கிழமை அன்று முருகனுக்கு அபிஷேகம், விநாயகருக்கு அறுகம்புல் மாலை அணிவித்து நெய்தீபம் ஏற்றி வழிபட நன்மைகள் அதிகரிக்கும்.

மீன ராசி அன்பர்களே!

பெரியோர்களின் ஆதரவும், ஆலோசனையும் கிடைக்கும். மதிப்பு, மரியாதை சிறப்பாக இருக்கும். நண்பர்கள் உதவிகரமாக இருப்பர். குடும்பத் தேவைகள் பூர்த்தி ஆகும். பொன் பொருள் சேரும். உறவினர்களுடன் சிறு சிறு பிரச்னைகள் ஏற்பட்டு மறையும். கணவன் - மனைவி இருவரும் ஒருவருக் கொருவர் விட்டுக் கொடுத்துச் செல்வது நல்லது. உறவினர்கள் வகையில் வீண் விரோதம் வரலாம். அவர்களிடமிருந்து ஒதுங்கி இருப்பது அவசியம். சிலருக்கு தடைப்பட்ட திருமணம் கூடிவரும். சகோதர வகையில் ஏற்பட்ட பிரச்னைகளுக்குத் தற்காலிகமான தீர்வு ஒன்று ஏற்படும். வழக்குகளில் வழக்கறிஞர்களின் ஆலோசனை கேட்டுச் செயல்படுவது அவசியம். சிலருக்கு எதிர்பாராத பயணங் கள் அதிகரிக்கும். பிள்ளைகள் பிடிவாதம் பிடித்தாலும் விட்டுக் கொடுத்துச் செல்வது நல்லது. வெளி நாட்டில் இருக்கும் உறவினர்கள் மற்றும் நண்பர்களால் சில ஆதாயங்கள் ஏற்படக்கூடும். குலதெய்வ பிரார்த்தனைகளை நிறைவேற்றும் வாய்ப்பு ஏற்படும். உடல் ஆரோக்கியம் மேம்படும். வெளியூர்ப் பயணம் மேற்கொள்ள நேரிட்டால் கைப்பொருள்களை கவனமாகப் பார்த்துக்கொள்ளவும்.

அலுவலகத்தில் பணிச்சுமை அதிகரிக்கும். சக பணியாளர்களிடம் போதுமான ஒத்துழைப்பை எதிர் பார்க்க முடியாது. அதிகாரிகளை அணுகும்போது பொறுமையைக் கடைப்பிடிக்கவும். எதிர்பார்த்த சலுகைகள் கிடைப்பதில் தாமதம் ஏற்படும்.

தொழில், வியாபாரத்தில் எதிர்பார்த்த பலன் கிடைப்பதற்குக் கூடுதலாக உழைக்கவேண்டி வரும். முக்கிய முடிவுகளை எடுப்பதில் நிதானம் அவசியம். புதிய முதலீடுகளைத் தவிர்க்கவும். போட்டி யாளர்களால் தொல்லைகள் ஏற்படக்கூடும்.

பெண்கள் மகிழ்ச்சியுடன் காணப்படுவர். தடைபட்டு வந்த சுபநிகழ்ச்சிகள் கூடிவரும். கணவரின் அன்பும் ஆதரவும் உற்சாகம் தரும். வேலைக்குச் செல்லும் பெண்களுக்கு அலுவலகத்தில் உற்சாக மான சூழ்நிலையே காணப்படும்.

அதிர்ஷ்டம் தரும் நாள்கள்: மே 15,17,22,25,31 ஜூன் 1,3,6,9,13

அதிர்ஷ்ட எண்கள்: 3, 9

சந்திராஷ்டம நாள்கள்: மே 27 இரவு முதல் 28,29,30 காலை வரை

பரிகாரம்: வெள்ளியன்று மாலையில் லட்சுமி வழிபாடு, வியாழனன்று தட்சிணாமூர்த்திக்கு அர்ச்சனை செய்வது நன்மைகளை அதிகரிக்கும்.