"தர்மேந்திர பிரதான் தேசியக் கல்விக் கொள்கையைச் சிறப்பாகச் செயல்படுத்தினார்" - பிரகலாத் ஜோஷி

நீட் தேர்வு வினாத்தாள் கசிவைக் கண்டித்து இளைஞர்களின் தொடர் போராட்டம் காரணமாக, மத்திய கல்வித்துறை அமைச்சர் தர்மேந்திர பிரதான் தனது பதவியை ராஜினாமா செய்தார்.

தர்மேந்திர பிரதானின் ராஜினாமாவை குடியரசுத் தலைவர் ஏற்றுக்கொண்ட நிலையில், மத்திய உணவு வழங்கல் துறை அமைச்சர் பிரகலாத் ஜோஷிக்கு கல்வித்துறை கூடுதல் பொறுப்பாக ஒதுக்கீடு செய்யப்பட்டுள்ளது.

இந்நிலையில் புதிதாக கல்வித்துறை அமைச்சர் பொறுப்பு வழங்கப்பட்டது குறித்து பிரகலாத் ஜோஷி செய்தியாளர்களைச் சந்தித்து பேசியிருக்கிறார்.

"மத்திய கல்வித் துறை அமைச்சர் பொறுப்பைத் தன்னடக்கத்துடன் ஏற்றுக்கொள்கிறேன். பிரதமர் மோடிக்கு நன்றி. இந்தியா கல்வித்துறையில் பல முன்னேற்றங்களை அடைந்திருக்கிறது. பிரதமரின் வழிகாட்டுதலுடன் சிறப்பாகச் செயல்படுவேன்.

பிரதமர் என் மீது நம்பிக்கை வைத்து இத்தகைய ஒரு முக்கிய பொறுப்பை என்னிடம் ஒப்படைத்திருக்கிறார். நான் நேர்மையாகப் பணியாற்றி இந்தத் துறையில் அவரது எதிர்ப்பார்ப்புகளைப் பூர்த்தி செய்ய என்னால் முடிந்தவரை முயற்சிப்பேன்.

கடந்த 4 முதல் 5 ஆண்டுகளில் தர்மேந்திர பிரதானும் புதிய தேசியக் கல்விக் கொள்கை திட்டத்தைச் சிறப்பாகச் செயல்படுத்தினார். புதிய கல்வி முறையில் நாடு முன்னேற்றம் அடைந்துள்ளது" என்று பேசியிருக்கிறார்.