Delhi Protest: அபிஜித் தீப்கேவின் பாட்டி காலமாகிவிட்டாரா? டெல்லி காவல்துறை சொல்வது என்ன?

இந்தியத் தேர்தல் ஆணையத்தின் தலைமைத் தேர்தல் ஆணையர் ஞானேஷ் குமார் பதவி விலக வேண்டும் என்பதை வலியுறுத்தி காக்ரோச் ஜனதா கட்சி மற்றும் மாணவர் அமைப்புகள் இன்று டெல்லி ஜந்தர் மந்தரில் போராட்டம் நடத்த அழைப்பு விடுத்திருந்தன.

ஆனால் டெல்லி ஜந்தர் மந்தரில் இன்று போராட்டம் நடத்த சிஜேபி அமைப்பிற்கு டெல்லி போலீசார் அனுமதி மறுத்துள்ளனர். டெல்லி முழுவதும் பாதுகாப்புப் படையினர் குவிக்கப்பட்டுள்ளனர்.

டெல்லியில் இன்று காலை 4 மணி முதல் பிற்பகல் 2 மணி வரை இயக்கப்பட வேண்டிய 254 ரயில்கள் ரத்து செய்யப்பட்டுள்ளன. போராட்டம் நடத்த குவிந்து வரும் இளைஞர்களை காவல்துறை உடனுக்குடன் கைது செய்து வருகின்றனர்.

டெல்லியில் விமானத்தில் வைத்தே சிஜேபி நிறுவனர் அபிஜித் தீப்கே மற்றும் கட்சி நிர்வாகிகள் சௌரவ் தாஸ், அஷுதோஷ் ரங்கா ஆகியோர் கைது செய்யப்பட்டிருக்கின்றனர்.

தவிர டெல்லியில் எஸ்.ஐ.ஆர். நடவடிக்கைக்கு எதிராகப் போராட்டம் நடத்த முயன்ற ஆம் ஆத்மி கட்சித் தலைவர் அரவிந்த் கெஜ்ரிவாலையும் டெல்லி போலீசார் குண்டுகட்டாகக் கைது செய்திருக்கின்றனர்.

அதேபோல் டெல்லி சவுத் அவென்யூ பகுதியில் திரிணாமுல் காங்கிரஸ் எம்.பி.க்கள் டெரிக் ஓ பிரையன், டோலா சென் உள்ளிட்டோருடன் போராட்டத்தில் ஈடுபட்ட மம்தா பானர்ஜியும் கைது செய்யப்பட்டிருக்கிறார்.

இதனிடையே சிஜேபி நிறுவனர் அபிஜித் தீப்கேவின் பாட்டி உடல்நலக்குறைவால் காலமானதாக தகவல் வெளியாகி இருக்கிறது.

இதை அபிஜித்-க்குத் தெரியப்படுத்தி உள்ளதாகவும், காவலில் இருந்தபடியே போராட்டத்தைத் தொடர விரும்புகிறாரா? அல்லது மகாராஷ்டிரா செல்ல விரும்புகிறாரா? என்பதை அவரே முடிவு செய்யலாம் எனப் போலீசார் தெரிவித்ததாகவும் கூறப்படுகிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://tinyurl.com/2b963ppb