கருப்பு: ``அதே அன்பு, அரவணைப்பு, கனிவு" - முதல்வர் விஜய்யைச் சந்தித்த ஆர்.ஜே பாலாஜி!

தமிழ்நாடு அரசியல் வரலாற்றிலும் தமிழ்த் திரையுலகிலும் ஒரு புதிய அத்தியாயம் எழுதப்பட்டிருக்கும் வேளையில், தற்போதைய தமிழக முதலமைச்சர் விஜய்யை, பிரபல இயக்குநரும் நடிகருமான ஆர்.ஜே பாலாஜி நேரில் சந்தித்து வாழ்த்துப் பெற்றுள்ளார்.

சூர்யா, த்ரிஷா நடித்து வெளியான திரைப்படம்,‘கருப்பு’. ஆர்ஜே பாலாஜி இயக்கியுள்ள இப்படத்தில் சுவாசிகா, இந்திரன்ஸ், ஷிவாதா, நட்டி நட்ராஜ் உள்ளிட்ட பலர் நடித்துள்ளனர். சாய் அபயங்கர் இசையமைத்துள்ளார். ட்ரீம் வாரியர் பிக்சர்ஸ் சார்பில் எஸ்.ஆர்.பிரகாஷ் பாபு, எஸ்.ஆர்.பிரபு தயாரித்துள்ளனர். கடந்த 15-ம் தேதி வெளியான இப்படம் முதல் நாளில் இருந்தே ரசிகர்களிடம் நல்ல வரவேற்பைப் பெற்று வருகிறது.

இந்நிலையில் இப்படம் உலகளவில் ரூ.300 கோடி ரூபாய்க்கு மேல் வசூல் செய்து சாதனை பட்டியலில் இணைந்துள்ளது.

இந்த நிலையில், நடிகரும், இயக்குநருமான ஆர்.ஜே பாலாஜி முதல்வர் விஜய்யை சந்தித்து வாழ்த்து பெற்றிருக்கிறார். இந்தச் சந்திப்பு குறித்து அவர் தனது எக்ஸ் பக்கத்தில், ``கருப்பு திரைப்படத்திற்காக எல்லாவற்றையும் தொடங்கி வைத்த மனிதருடன்...! மாண்புமிகு தமிழக முதலமைச்சராக அவரை இப்போது சந்திப்பது முற்றிலும் ஒரு கனவு போன்ற உணர்வைத் தருகிறது!!! அதே அன்பு, அரவணைப்பு, கனிவு மற்றும் அமைதி...!!! எல்லாவற்றிற்கும் மிக்க நன்றி என் அன்பிற்குரிய விஜய் சார்" என்று பதிவிட்டுள்ளார். இவரின் இந்தப் பதிவு தற்போது இணையத்தில் மிக வேகமாகப் பரவி வருகிறது.