விஜய் அழைத்தால் காங்கிரஸ் ஆதரவளிக்குமா? - கிரிஷ் சோடங்கர் அளித்த பதில்

May 04, 2026 - 17:01

விஜய் அழைத்தால் காங்கிரஸ் ஆதரவளிக்குமா? - கிரிஷ் சோடங்கர் அளித்த பதில்

தமிழ்நாடு சட்டப்பேரவைத் தேர்தலில் விஜயின் தமிழக வெற்றி கழகம் தற்போதைய நிலவரப்படி 108 தொகுதிகளில் முன்னிலை வகித்து வருகிறது.

த.வெ.க தலைவர் விஜய், தான் போட்டியிட்ட இரு தொகுதிகளிலும் அதிக வாக்குகள் பெற்று முன்னிலை வகித்து வருகிறார்.

இருப்பினும் பெரும்பான்மைக்குத் தேவையான இடங்களை கட்சி பெறாததால், ஆதரவு அளிக்க காங்கிரஸை த.வெ.க நாடியிருப்பதாகத் தகவல் வெளியாகியிருக்கிறது.

இந்நிலையில் ஆட்சியில் சேர விஜய் அழைத்தால் காங்கிரஸ் ஆதரவு அளிக்குமா? என்று காங்கிரஸ் மேலிடப்பொறுப்பாளர் கிரிஷ் சோடங்கரிடம் கேள்வி கேட்கப்பட்டிருக்கிறது.

அதற்குப் பதிலளித்த அவர், "தமிழகத்தில் அடுத்தகட்ட நடவடிக்கை பற்றிக் கலந்து ஆலோசித்து முடிவெடுக்கப்படும். தமிழக தேர்தல் நிலவரம் குறித்து கார்கே, ராகுலிடம் அறிக்கை அளித்துள்ளேன்.

பெண்கள், இளைஞர்களின் ஆதரவு கிடைத்ததால் த.வெ.க அதிக அளவில் வெற்றி பெற்றிருக்கிறது. தமிழகத்தில் ஒரு தொகுதியில் வென்றுள்ள காங்கிரஸ் கட்சி இன்னும் 4 தொகுதிகளில் முன்னிலையில் இருக்கிறது" என்று தெரிவித்திருக்கிறார்.