Sigma: "நடிப்பு மேல முழுமையாக ஆர்வம் இல்லைனு சொல்லிட முடியாது. ஆனா..." - ஜேசன் சஞ்சய்

ஜேசன் சஞ்சய் இயக்கத்தில், சந்தீப் கிஷன் முதன்மைக் கதாபாத்திரத்தில் நடித்துள்ள 'சிக்மா' திரைப்படம் இன்று திரையரங்குகளில் வெளியாகியுள்ளது.

ராஜூ சுந்தரம், அன்புதாசன் ஆகியோர் நடித்திருக்கும் இந்தப் படத்திற்கு தமன் இசையமைத்திருக்கிறார்.

இன்று இப்படத்தின் முதல் காட்சியை கமலா திரையரங்கில், தன் தாய் சங்கீதா மற்றும் தங்கை திவ்யா ஷாஷாவோடு இணைந்து ஜேசன் சஞ்சய் பார்த்தார்.

படத்தின் முதல் காட்சிக்குப் பிறகு செய்தியாளர்கள் சந்திப்பில் கலந்துக் கொண்டார் ஜேசன் சஞ்சய்.

இந்த செய்தியாளர் சந்திப்பில் நடிப்பு மீதிருக்கும் ஆர்வம் குறித்து, "முதல்ல ஹீரோ பத்தி பேசுறேன். சந்தீப் கிஷன் ப்ரோ. அவரால இங்க வர முடியல. இந்தப் படத்துக்காக நிறைய நடிகர்களை மீட் பண்ணோம்.

அது ஒரு பெரிய ப்ராசஸா இருந்துச்சு. அந்த சமயத்துலதான் சந்தீப் கிஷன் ப்ரோவை சந்திச்சேன். நான் 'மாநகரம்', 'மைக்கேல்' படங்கள்ல அவரோட நடிப்புக்கு ஒரு பெரிய ஃபேன். தமிழ், தெலுங்குனு கதையை மட்டும் பார்த்து தேர்வு செய்து நடிக்கிற ஒரு நடிகர்தான் சந்தீப் கிஷன் ப்ரோ.

இந்தக் கதைக்கு அவருடைய கேரக்டர் பொருத்தமா இருக்கும்னு நினைச்சேன்; அப்படிதான் இந்த ப்ராஜெக்ட்டுகுள்ள வந்தாரு. அண்ட் ரொம்ப நல்லாவும் பண்ணியிருக்காரு. உங்களுக்கும் பிடிச்சிருக்கும்னு நம்புறேன்.

படத்தை ப்ரொமோட் பண்றதுக்கு நாங்க டீம் எல்லாம் சேர்ந்து ஒரு ப்ரோமோ பாடல் பண்ணினோம். நடிப்பு மேல முழுமையாக ஆர்வம் இல்லைனு சொல்லிட முடியாது. ஆனா, இனிதான் அதைப் பத்தி யோசிக்கணும்.

கண்டிப்பா நான் டைரக்ஷன் மட்டும்தான் பண்ணுவேன்னு கிடையாது. நடிப்புக்கு வாய்ப்பு கிடைச்சதுன்னா கண்டிப்பா பண்ணிடலாம்." எனப் பேசியிருக்கிறார்.