'వారణాసి' మూవీ నుండి మరో సంచలన అప్డేట్.. ఫ్యాన్స్ కి ఇక పండగే..

Varanasi movie update : టాలీవుడ్ మాత్రమే కాదు , ఇండియా మొత్తం ఎంతో ఆతృతగా ఎదురు చూస్తున్న చిత్రాల్లో ఒకటి ‘వారణాసి'(Varanasi Movie). రాజమౌళి(SS Rajamouli) దర్శకత్వం లో తెరకెక్కుతున్న ఈ సినిమా పై అంచనాలు ఆ స్థాయిలో ఉన్నాయి మరి. సరిగ్గా మరో ఏడాది లో ఇదే సమయానికి ఈ చిత్రం థియేటర్స్ లో విడుదలై వెయ్యి కోట్ల గ్రాస్ మార్కుని కూడా దాటి , 2000 కోట్ల వైపు పరుగులు తీస్తూ ఉంటుంది. తెలుగు సినిమా ఖ్యాతి గురించి మరోసారి ప్రపంచం మొత్తం మాట్లాడుకునే రోజులు మరో ఏడాది లో రాబోతున్నాయి. అయితే రాజమౌళి సినిమాలు చెప్పిన సమయానికి విడుదల కావు , కేవలం విడుదల తేదీలను మాత్రమే ఆయన ప్రకటిస్తాడు , కానీ ఒక్కసారి కూడా ప్రకటించిన తేదికి తన చిత్రాన్ని విడుదల చేయలేకపోయాడు అనే అపవాదు ఉంది. కానీ ఈసారి మాత్రం టార్గెట్ ని మిస్ చేసేలా అనిపించడం లేదు.

ఏప్రిల్ 7 న ఎట్టి పరిస్థితిలోనూ ఈ చిత్రాన్ని పూర్తి చేసేందుకు చూస్తున్నారు. ఇది కాసేపు పక్కన పెడితే ఈ చిత్రానికి సంబంధించిన ఫైనల్ షెడ్యూల్ షూటింగ్ డేట్ ని కూడా లాక్ చేసేసినట్టు తెలుస్తోంది. ప్రస్తుతం నెల రోజుల నుండి హైదరాబాద్ లో ప్రధాన తారాగణం పై కొన్ని కీలక సన్నివేశాలను చిత్రీకరిస్తున్నాడు రాజమౌళి. ఇక ఆ తర్వాత ప్రత్యేకంగా ఏర్పాటు చేసిన సెట్స్ లో ఒక పాటని చిత్రీకరించబోతున్నారు. ఇక మే నెలలో విరామం తీసుకొని , జూన్ నుండి షూటింగ్ రీస్టార్ట్ చేసే ఆలోచనలో మూవీ టీం ఉన్నట్టు తెలుస్తోంది. ఆగస్టు నెలలో షూటింగ్ కార్యక్రమాలు మొత్తం పూర్తి చెయ్యాలి అనేది ప్లాన్. ఈ సాంగ్ షూటింగ్ తర్వాత 80 శాతం షూటింగ్ పూర్తి అవ్వబోతుందని సమాచారం. రాజమౌళి సినిమా ఇంత వేగంగా పూర్తి అవుతుందని అభిమానులు కూడా ఊహించి ఉండరు.

#RRR చిత్రాన్ని కూడా ఇంతే వేగంగా పూర్తి చెయ్యాలని అనుకున్నారు, దానికి తగ్గట్టు షూటింగ్ షెడ్యూల్స్ ని కూడా ప్లాన్ చేసుకున్నారు. కానీ మధ్యలో హీరోలిద్దరికీ గాయాలు అవ్వడం , కోవిద్ లాక్ డౌన్ కారణంగా నెలల తరబడి షూటింగ్ ఆగిపోవడం వల్ల , ఈ సినిమాని అనుకున్న తేదీన విడుదల చేయలేకపోయారు. కానీ ‘వారణాసి’ కి ఇలాంటివి ఏమి లేవు, అనుకున్న సమయానికి ఈ చిత్రాన్ని దింపేందుకు పక్కా ప్రణాళిక తో ఉన్నారు.